Core in Fronte ne participera pas aux élections législatives
Cori in Fronti ùn ci hà da andà, à l’alizzioni lighjislativi, è l’hà fatta sapè marti via una cunfarenza di stampa in Aiacciu.
« Quissi sò alizzioni chì, di regula, ùn cuncernani u muvimentu indipindintistu… ma in u cuntestu attuali, una participazioni saria stata pussibuli in lu quadru d’un raportu di forza pupularu par fà sbuccià una suluzioni pulitica è fà valè i dritti llu Populu Corsu », dici u muvimentu chì cuntinivighja pricisendu chì, « issi pochi mesa, cù u cuntestu puliticu, l’urganisazioni patriottichi avariani pussutu avè un pusiziunamentu strategicu cumunu, pà a forma quant’è pà u fundu. Ma d’altri pinsera ani presu a suprana, è a rigritemu ».
Ma Cori in Fronti và ancu più luntanu, dindu chì « participà à un appuntamentu alitturali francesu ùn duvaria ghjuvà chè à idintificà i cuntradizzioni llu sistema. Ma oghji, l’affari ùn ghjova chè à metta in risaltu i cuntradizzioniu llu muvimentu naziunali, ugnunu incusendu à l’altru. Par contu nosciu, ùn participaremu à sta cunfusioni ».
Steti à senta à Véronique Pietri, cunsigliera tarrituriali Cori in Fronti.
