Core in Fronte dénonce un projet commercial d'ampleur à Casamozza
(A ridazzioni d'Alta Frequenza) -Dui ghjorna sò bastati da fà nascia pulemichi è mubilisazioni, dipoi a sposta, in mirria di Lucciana, llu permessu di custruì un centru cumirciali maiori, in li circonda di Casamozza. Sò impinsiriti i cumircianti di Marana-Golu è Casinca, di pettu à issi 28000 m² di stesa cumirciali, cù i so 5000 m² di supramarcati è i so 15500m² di magazeni è butteghi. Issu sabbatu, si hè mubilizatu Cori in Fronti da dinuncià issu prughjettu. Pà u partitu indipindintistu, issu centru cumirciali, un Atrium di forma ridutta, chì u so effettu si pudaria sparghja da Bastia à a piaghja Uriintali, hè un piriculu pà u tissutu cumirciali llu circondu. Participaria à dirrigulà a cuncurrenza in u rughjonu bastiacciu, è ancu da culandi. Cori in Fronti dinuncia dinò u postu sceltu, in cor’ di spazii agriculi strategichi è à purtata di pieni. Aspetta u partitu chì a CDAC (Mirria di Bastia, CDC, cumuna di Lucciana, cumunità di cumuni Marana-Golu) ricusi di manera unanima l’auturisazioni cumirciali llu prughjettu.
I spiicazioni di Paul-Félix Benedetti
