Contre la spéculation : l'action de Nazione à Olmeto Plage
Duminica, Nazioni hà fattu un’accupazioni simbolica à nantu à a marina d’Ulmetu.
« Oghji, i corsi si primurighjani monda di u prublema di a spiculazioni. Emu dicisu d’affaccà ci in issi loca par metta à palesu dui esempii carattaristichi di ciò chì no’ ùn vulemu micca pà a noscia tarra. Vulemu un altru avvena pà i nosci fiddoli », hà spiicatu u muvimentu, pricisendu chì « a prima casa… hè stata vinduta trè volti issi pochi anni, ed hè custata milioni d’auri. Hè oghji prupriità d’una duchessa.
Issa casa hè stata vinduta 5 679 481 € in u 2021 : faci 300m² ed hè à nantu à un tarrenu di 16 697m². In più di quissa, hè statu spostu un permessu par custruì ci una rimissa di 102m², in bor’di mari. Ma qual’mai ci pò creda, cacciati quiddi chì i dani, issi permessi ? », dici Nazioni.
« A siconda casa… faci più di 500m², ma pari ch’idda ùn basti à i prupriitarii, postu ch’iddi ni facini un’altra à torru, privista solu par essa appighjunata. A SCI chì n’hè prupriitaria ùn l’hà mancu in Corsica, u so scagnu suciali. Una volta di più, ùn ci ni sarà binifiziu pà a Corsica », s’infuriighja u muvimentu fatta iss’azzioni.
« L’ecunumia chì ci abbisogna ùn hè mancu stampa d’issu mudellu, chì hè un mudellu culuniali.
Ciò chì succedi chivi ùn pò essa fatalità : hè una situazioni vulsuta da a sucità ind’è no’ campemu, da a vulintà di u statu francesu, è da a passività di certi corsi. Sè nimu faci nudda, ci n’andemu versu una sparizioni prugramata culturalmenti, è quissa Nazioni ùn la pò accittà ».
Sur le même sujet
