Consultation sur le réaménagement de la place Miot à Ajaccio
In u quadru d’un prugrama par ridà fiatu à u cor’di cità, a municipalità d’Aiacciu attacca una cunsultazioni par ciò chì tocca à l’accunciamentu lla piazza Miot.
Marti, i riprisintenti lla cità è di u scagnu incaricatu lla inchiesta publica sò andati, supr’à locu, à u riscontru lla pupulazioni.
A inchiesta tratta di a leia trà a piazza è i quartieri vicini, di u so raportu à u litturali, è di a so cunnizzioni cù i gran’prughjetta d’accunciamentu.
Iss’ughjittivu, l’auturità municipali u voli difiniscia cù a cuncirtazioni, da ch’idda t’achi una siconda ghjuvantù issa piazza, priziata tantu da l’Aiaccini.
Steti à senta à Xavier Luciani, u rispunsevuli lli gran’ travaddi lla cità d’Aiacciu.
U scagnu di studii poni dunqua uni pochi di quistioni, chì i so risposti ghjuvarani à a dirizzioni municipali.
A veda i primi risultata, pari ch’iddi volghini, l’aienti, ch’idda sichi vigitalizata di più a piazza, è ch’iddi sichini più numarosi l’attività liati à u mari.
Steti à senta u riprisintenti llu scagnu di studii.
Sur le même sujet
