Conseil municipal extraordinaire à Porto-Vecchio suite aux tensions de ces dernières semaines
Vennari à meziornu, in Portivechju, ci hè statu un cunsigliu municipali strasurdinariu. Ci si hè parlatu di l’incidenti d’issi pochi sittimani.
U 26 d’aprili, una purtivichjaccia hè stata lampata in tarra da u girenti d’unu stabilimentu di u centru lla cità, chì oramai si n’hè andatu da Corsica.
Di notti, trà marcuri è ghjovi, una vittura hè stata picciata davanti à issu stabilimentu – chì i so muri appartenini à una famidda purtivichjaccia – fendu calchi dannu à a porta è a facciata di u cumerciu.
Vennari dunqua, a dirizzioni municipali hà vulsutu appacià l’affari pricisendu uni pochi di virità, hà dittu Jean-Christophe Angelini.
Dici u merri di Portivechju ch’idda hè una bucia, di dì ch’iddu stessu è a so maiurità ùn l’ani sustinuta, a sissantaninca attaccata in carrughju : u sustegnu si hè fattu subitu è di manera piena.
Jean-Christophe Angelini hà ripresu u filu – mintuvatu via i reti suciali - di i fatti : ci hè stata a disinfurmazioni, ci sò stati i bucii in issi publicazioni.
U merri di Portivechju vurria ch’idda calghi oramai a tinsioni, ed hè par quissa ch’idda hè prugramata issa riunioni strasurdinaria.
Steti lu à senta.
Sur le même sujet
