Conseil Intercommunal de Sécurité et Prévention de la Délinquance : Bastia et son agglomération plutôt préservés
U Cunsigliu Intercumunali di Sicurità è di Privinzioni lla Malavita lla Cumunità d’Agglumirazioni Bastiaccia hà risintatu u diagnosticu lla situazioni in a CAB, ch’iddu hà fattu Laurent Mucchielli, u suciologu llu CNRS.
A l’ingrossu, dici issu raportu chì a situazioni hè meddu chivi chè in a maior’parti di i cità francesi di a stessa catiguria. Quì, ùn ci hè ancu à veru a viulenza, è a cunsumazioni llu canapu indianu hè da suttu à a media.
Issu diagnosticu faci u ritrattu suciologicu di quiddi chì sò in malavita, di quiddi chì facini viulenzi in famidda o in coppiu, è ancu di i so vittimi.
In maior’ parti, issi fatti toccani i famiddi povari o chì mancani di stabilità.
Ind’è i parsoni minori sposti à a malavita, si ni conta più di setti par deci nati in Bastia o in Corsica, è un pocu menu di a mità ùn sò d’una famidda corsa o mischiata.
Steti à senta l’analisi di Laurent Mucchielli, chì ci parla di i sumiddi è sfarenzi trà Bastia è l’altri cità.
Fatti ch’iddi sò issi custati, trè gruppi di travaddu sarani missi in anda cù u statu, a CAB è l’associ.
Unu trattarà di a malavita ind’è i ghjovani è a ricaduta, u sicondu di i viulenzi in coppiu o in famidda, è u terzu di a tranquillità publica.
Pà issu terzu cartulari, ghjustamenti, qualissu hè u sguardu di u statu ?
Steti à senta à françois ravier, u prifettu llu Cismonti.
