Conflit SNCM : un dispositif Bpifrance-CTC spécial pour les entreprises corses
(A redazzioni d'Alta Frequenza) - Ghjovi scorsu, Jean-Régis Borius, u prifettu sceltu da u Prima ministru Manuel Valls pà purtà a missioni naziunali di i misuri di u guvernu pà aiutà u mondu ecunomicu corsu toccu da l'ultima greva di a SNCM, era in Aiacciu. Hè ghjuntu pà prisintà ind'u ditagliu ssi famosi misuri dighjà effettivi cù i prifetti di Corsica Suttana è Suprana, u presidenti di l'Esecutivu di Corsica è u presidenti di l'ADEC Jean Zuccarelli in u ditagliu. Rammintemi chì ssi misuri s'arrembani à trè dispusitivi : l'esunerazioni di cutisazioni patrunali di securità suciali pà u 3u trimestru 2014, a sparghjera di i pagamenti di cutisazioni patrunali di securità suciali di u 2ndu trimestru 2014, è a guaranzia d'imprestiti bancari è l'imprestiti Bpifrance-CTC. Dopu avè impiutu un simplici furmulariu, l'intrapresi cuncirnati pudarani apprufittà di ss'esunerazioni quì, senza analisi prima di què par ogni casu. Cuncintremuci puru oghji annant'à u terzu latu di ss'aiuti, a guaranzia di l'imprestiti bancarii è l'imprestiti Bpifrance-Cullittività Tarrituriali di Corsica, cù u presidenti di l'ADEC, Jean Zuccarelli.
U stemi à senta.
