Conflit SNCM : manifestations des socioprofessionnels de Corse !
(A redazzioni d'Alta Frequenza) - I manifistazioni privisti dopu meziornu (vennari) davanti i prifitturi d'Aiacciu è di Bastia sò mantinuti. Ramintemi ch'elli sò purtati da i socioprufiziunali è di sfarenti cullittivi chì volini fà cunnoscia a so scuntintezza forti par via di una nova greva di a SNCM è un novu blucchimi di a Corsica. Stamani, una dilegazioni hè stata ricivuta da u presidenti di u cunsighju esecutivu di a CTC, è dopu ss'intrattenu hè statu dicisu di mantena l'aduniti. A scelta di manifistà davanti i prifitturi hè una manera chjara è simbolica di mandà un missaghju à u Statu. I socioprufiziunali rimpruvareghjani à ss'ultimu u so silenziu, u fattu ch'ellu ùn agisci micca è soprattuttu chì u dirittu ùn sighi micca rispittatu annant'à u portu di Marseghja par asempiu. L'intraprenadori volini dinò fà valè u so dirittu à l'indennisazioni, una suluzioni ammintata stamani cù Paul Giacobbi (veda in altrò).
Sur le même sujet
