Conflit SNCM : les socioprofessionnels indépendants dubitatifs face à l'ultimatum
(A redazzioni d'Alta Frequenza) - Ssu luni, i socioprufiziunali si sò mubilizati in Bastia pà pruvà à fà avanzà u cartulari SNCM. Prima, più di 500 parsoni, cù par asempiu u merri di Bastia è parechji aghjunti soi, si sò aduniti davanti a prifittura di Corsica Suprana, induva i leaders di a mubilisazioni, Philippe Pasqualini, presidenti di a CGPME di Corsica Suprana, è u risturatori Christophe Chiorboli ani fattu cunnoscia rivindicazioni com'è sbluccà subbitu subbitu u Kalliste di a Méridionale, nisun crescita di l'impositu annant'à i sucità o a partenza di u prifettu di Corsica Suprana. Versu 10 ori, quissi quì sò andati fin'è a CCI di Corsica Suprana induva hè stata urganizata una riunioni pà sceglia una pusizioni cumuna. Una ghjunta suvitata da una disputa viva trà Jean Marc Venturi, 1a vici presidenti di a camara d'agricultura di Corsica Surpana chì porta i dibattiti, è Jean Nicolas Antoniotti di Femu Quì, ognunu rimpruvarendu à l'altru a so manera di gistiscia a manera d'agiscia in ssu cunflittu. Malgradu tuttu, tuttu u mondu s'hè calmatu, è i discussioni si sò passati di modu nurmali dopu, è sbuccatu annant'à un ultimatum novu à u Statu pà ssu marti à 6 ori di sera; dopu à què, un'adunita nova hè privista marcuri à 10 ori davanti a prifittura di Corsica Suprana. Pà Christophe Chriorboli, socioprufiziunali indipindenti è leader di l'adunita di ssu luni, a suddisfazioni hè solu parziali, postu chì quissu quì dubbiteghja chì ss'ultimatum cambiessi calcosa, è batti à prò d'azzioni più forti, pinsendu dighjà à a dumenicata di u 14 di lugliu.
Steti à senta à Christophe Chiorboli.
Sur le même sujet
