Conflit aux CFC : Paul-Marie Bartoli a reçu les grévistes
(A redazzioni d'Alta Frequenza) - U cartulari di i camini di Farru di a Corsica ùn hè micca isciutu da a via oghji (ghjovi). Eppuru, ùn si pò micca dì chì l'AMG 800 sighini stati rimissi nant'à a via bona stasera. Hè schjattatu u bullori oghji in fatti nant'à l'Assemblea di Corsica à l'uccasioni di quistioni urali à l'esecutivu. Una dumanda di Marie Antoinette Santoni Brunelli hà ubligatu l'esecutivu à dà un parè nant'à u fattu chì u cunflittu ùn muvessi micca. Ind'a so risposta, Paul Marie Bartoli hà dittu torna ciò ch'ellu dici dipoi oramai 15 ghjorni : hè impussibuli di riapra neguziazioni. A risposta di i grevisti ùn si hè micca fatta aspittà ; una griglia di u Grand Hôtel hè stata scipatta è i manifestanti sò intruti ind'i lochi di a Cullettività, ciò chì hà fattu cullà a zerga à Paul Giacobbi. U tempu passendu, è mentri ch'ella ghjunghjia l'ora di u ripastu, l'affari ani avanzati malgradu tuttu. L'appuntamentu hè statu urganizatu cù u presidenti di l'Uffiziu di i Trasporti è i manifestanti. A riunioni hè durata guasgi tuttu u dopu meziornu, ma dopu à quissa quì, semi ind'una situazioni nè pusitiva, nè nigativa. Di chì si tratta esattamenti ?
Écoutons les explications de Paul-Marie Bartoli.
Sur le même sujet
