Conflit à la Méridionale : la CGT explique pourquoi elle arrête la grève
(A Ridazzioni d'Alta Frequenza) - Marti, u STC è a CGT sò stati ricivuti in Marseglia da a dirizzioni di La Méridionale, da parlà di i so pinsera pà l’avvena lla cumpagnia. In un cumunicatu, dici a CGT chì a cumpagnia hà da cuntistà, à u più tardi ghjovi, in tribunali amministrativu di Bastia, d’essa scantata da i porti d’Aiacciu è Prupià. A dirizzioni hà assicuratu i sindicata ch’iddi sariani mantinuti par quindici mesa l’effittivi, ancu puri s’idda vinia à essa persa a ligna di Bastia. Quissa, u tempu di ghjunghja à a DSP di deci anni chì hà da fà seguitu à quidda d’issa chjama publica, ch’ùn hè chè pruvisoria. Dittu iss’affari, i pusizioni di i sindicata sò diffarenti oramai. A CGT hà dicisu di fà un votu pà fà firmà a greva, mentri chì u STC l’hà da cuntinuvà. Pà u sindicatu isulanu, ùn ci hè altr’affari à fà, vistu com’iddi vani ad avali i cosi. A CGT spieca a so dicisioni d’ùn cuntinuvà a greva, par avali, dindu ch’ùn vurria bluccà indifinimenti i navi. Malgradu quissa, u sindicatu hà datu un primu avvisu di greva à La Méridionale è a Corsica Linea pà l’ottu di marzu.
Stemu à senta à Fabrice Murati pà a CGT di la Méridionale
Sur le même sujet
