Conflit à l'hôpital de Bonifacio : vers une issue positive rapidement ?
(A redazzioni d'Alta Frequenza) - Pari chì l’affari muvissini à l’uspidali di Bunifaziu. In fatti, membri di u STC di u parsunali in greva ani avutu a cunfirmazioni di un appuntamentu ssu ghjovi da mani à 10 ori è mezu in i casali di l’Agenza Regiunali di a Saluta in Aiacciu. Ramintemi chì u sindicatu dumanda impieghi à longu andà d’infirmieri è d’aiutenti pà i curi, di pettu à a mancanza di mezi umani è i cunsiquenzi chì sò inghjinnati da ssu fattu quì. U STC hà scuntratu da un’antra banda u direttori di l’uspidali dopu meziornu, dopu ch’ellu fussi statu assicuratu l’appuntamentu ssu ghjovi à l’ARS. U dialogu saria nant’à basi boni torna trà i dui parti. S’hà da cunfirmà o micca ssa tindenza ? A risposta dumani (ghjovi) podassi.
Sur le même sujet
