Conférence sociale : les citoyens expriment leurs difficultés
(A ridazzioni d'Alta Frequenza) - Luni matina, in Bastia, ci hè statu a prima cunfarenza suciali. C’erani pulitichi, sindicati, associ, riprisintenti llu mondu ecunomicu, di u mezu lli carburanti è a gran’distribuzioni, è ancu ghjenti llu cutidianu, trà i quali i ghjilecchi giaddi. Pari ch’iddi si sichini sfucati, quissi, spartindu cù forza è voci i so difficultà è i so pinsera, fendu ancu rimprovari à a maiurità tarrituriali. In stu mentri, ùn hà tantu cunvintu Vincent Perfettini, u prisidenti di Vito in Corsica, ricusendu a riduzzioni di cinqui centimi à a pompa da quì à a fini lla sittimana, dumandata da i ghjilecchi giaddi.Trà quiddi ch’ani parlatu, Filippo de Carlo, un cumircianti bastiacciu di circa trent’anni, chì hà dittu tutti i difficultà ch’iddu t’hà à impattà i so spesi, ancu puri issendu cumircianti. Si hè dittu ancu iddu stunatu da i prezzi lli carburanti in Corsica.
Stemu à senta à Filippo de Carlo
