Conditions météorologiques : le point sur la situation
(A redazzioni d'Alta Frequenza) - Dopu à l'episodiu d'acquati è nivati chì hà toccu a Corsica d'arimani (marti) fin'è sta fini di matinata, a situazioni volta à pian'pianinu à a nurmali. A circulazioni nant'à l'assi maiò è sicundarii si mighjureghja à pocu à pocu, ferma quantunqua difficiuli nant'à i picculi stradi più particularmenti in Balagna è Niolu. Gruppi elettrogeni sò in traccia d'essa arricati inde parechji paesi di Corsica Suprana, com'è Olmi Capella, Albertacce, Castellare di Mercuriu, Calacuccia, Multifau, Gavignanu, Salicetu è Castineta. France Télécom annunzia frà altru chì 5 reti GSM ùn viaghjani micca : Ascu, Calacuccia, Palasca, Lozari è San Fiurenzu. Da nutà chì Météo France annunzia una rinfriscata impurtanti di i timperaturi, quilli di a notti di marcuri à ghjovi sarani nigativi quandu chì s'alluntanarà da u litturali; andarani, à l'ascosu, da -2 gradi à -6 gradi. Di colpu, u cotru s'hà da stallà è fenomeni purtendu à sculisciati s'ani da ghjiniralizà nant'à a maiò parti di a Corsica Suprana. A più grandi prudenza hè dunqua torna una volta racumandata, ed hè cunsighjata di riducia i spiazzamentu à u più nicissariu.
Sur le même sujet
