Conditions météorologiques défavorables en Corse-du-Sud
(A redazzioni d'Alta Frequenza) - Un episodiu di acquati è di nivati hè aspittatu nant'à u dipartimentu di Corsica Suttana à partasi da dumani (marti) dopu meziornu fin'è marcuri, cù un tempu più calmu u dopu meziornu. L'acqua sarà prisenti u marti dopu meziornu è falarà torna ind'a notti di marti à marcuri nant'à u latu à Punenti di u dipartimentu (10 à 30mm) è a limita acqua/nevi sarà trà 600 è 800 metri u dopu meziornu calendu frà 300 è 500 metri in fini di nuttata di marti à marcuri (zeppa trà 15 è 25 cm). Marcuri u 1a di farraghju, u ventu da Nordu à Nordu Punenti cullarà à 60 fin'è 80 chilometri à l'ora da mani, eppo da Nordu - Nordu Livanti à 40 chilometri à l'ora. Nivati sò privisti sopra à 400/600 metri, sempri marcuri, zeppi da 10 à 20 cm nant'à u Punenti. L'affari sarà più calmu marcuri dopu meziornu. Iss'avenimentu pudendu disturbà i cundizioni di circulazioni, hè cunsighjatu à i parsoni duvendu spiazzà di, di rinsignà si nant'à u statu di a reta stradali à u PC nevi di Corti à u 04 95 46 17 12 è di tena si à capu di l'evuluzioni di i cundizioni meteurulogichi. A più grandi prudenza hè racumandata.
Sur le même sujet
