Comparution immédiate pour des faits de violence conjugale en récidive
Luni, in Aiacciu, hè passatu un omu in cumparizioni diretta, in u quadru d’una inchiesta à mutivu di viulenzi in coppiu, dici u pracuratori d’Aiacciu.
Nicolas Septe ammenta « cazzoti ch’iddu avaria datu à a so cumpagna u 19 di sittembri in Aiacciu, issendu briacu ».
« L’omu missu in causa, d’età 57 anni, hà ricunnisciutu i viulenzi in coppiu in tribunali, dopu avè li nigati : hà spiicatu chì u so alculismu anzianu era à l’urigina d’issi viulenzi è di i colpa dati à a so cumpagna.
In quant’à a donna vittima d’issi viulenzi, chì cuntabilizaia setti ghjorna d’incapacità tutali di travaddu parvia di i colpa dati in faccia, hà ammintatu a impresa di u so cumpagnu in a so vita d’ugni ghjornu », hà spiicatu Nicolas Septe, dindu chì l’omu facia a so cumparizioni issendu in ricaduta.
Hè statu cundannatu luni à trè anni di prighjunia, è mantinutu in ditinzioni.
Sur le même sujet
