Compagnie publique maritime corse : la réponse de Paul Giacobbi
(A redazzioni d'Alta Frequenza) - Nova sissioni di l'Assemblea di Corsica dipoi stamani (ghjovi) è què pà dui ghjorni. Mentri chì raporti impurtanti com'ellu quillu di u bughjettu supplementariu di a CTC o ancu a criazioni di l'Uffiziu Fundariu di Corsica sarani asaminati à partasi di dopu meziornu, è prima à a visita dumani in Aiacciu di Marylise Lebranchu, a tradiziunali seenza di i quistioni urali hè stata urganizata stamani. À u prugramma soprattuttu, sfarenti quistioni rilativi à u cunflittu di a SNCM chì s'hè compiu chì hè pocu è di manera più glubali annant'à a prublematica di i trasporti marittimi, ghjunghjendu par asempiu d'Antoine Orsini (Corse Social Démocrate) è di Michel Stefani (Cumunisti è Citadini di u Fronti di Manca). Altra dumanda inghjiru à a prublematica di i trasporti marittimi, quilla di a cunsighjera tarrituriali Corsica Libera Josepha Giacometti. Ss'intarrugazioni purtava di manera più particulari annant'à a pussibilità di crià una cumpagnia publica marittima corsa. Annant'à ssu puntu pricisu, Paul Giacobbi hà vulsutu dì chì par avà nimu voli è pò ripighjà a SNCM tali è quali pà un auru, chì un rinnovu di i battelli si farà solu à l'iniziativa di a Corsica. Pà què, ci vularia à passà pà a criazioni di una Sucità d'Ecunumia Mista, è truvà à tempu un partenariu privatu, pà pudè pinsà à avè dui, trè o quattru battelli. Duranti u rinnovu di a cuncessioni, a CTC pudaria tandu essa in pusizioni di sfruttera è crià dopu parchì micca una Sucità Publica Lucali. A Corsica hà dimustratu a so capacità à gistiscia cumpagnii di trasporti, pà l'avviò, i treni, hà dittu Paul Giacobbi, pà cuncluda a so risposta cù una nota pusitiva di spiranza.
Steti à senta u presidenti di l'Esecutivu.
Sur le même sujet
