Compagnie maritime régionale corse : opposition franche de Force Ouvrière
(A redazzioni d'Alta Frequenza) - Cunfarenza di stampa di riintrata pà u sindicatu Force Ouvrière ssu marcuri in Aiacciu. L'uccasioni d'amintà parechji cartulari, com'è a situazioni suciali inde l'isula, u cunflittu nant'à a legi Travaghju o ancu di sicuru a futura cullittività unica è i so cunsiquenzi ; vultaremi d'altrondi nant'à ss'ultimu puntu ind'i nostri nutiziali chì venini. Ma Fo hà vulsutu riagiscia à l'attualità, in particulari à u votu da 36 eletti di l'Assemblea di Corsica ssu marti pà a criazioni d'una cumpagnia marittima regiunali. Force Ouvrière, chì à fiancu à a CGT hà vutatu contr'à i dui raporti di l'Esecutivu vennari scorsu duranti a seenza di u Cunsighju Ecunomicu Suciali è Culturali, hà cambiatu u so parè dopu essa statu duranti parechji mesi piuttostu à prò d'una cumpagnia marittima regiunali publica. In fatti, sicondu FO, u mudellu ritinutu infini t'hà com'è scopu di finanzià entitità privati prima di tuttu cù soldi publichi, induva a CTC ùn saria micca di fattu u solu capitanu, cù cunsiquenzi impurtanti inghjinnati à parechji nivelli.
Steti à senta à Paul Giacomoni pà Force Ouvrière.
Sur le même sujet
