Communiqué de condamnation de l'AC Aiacciu
Eccu u cumunicatu di l’AC Aiacciu, dopu à pessimu incidenti successu à u stadiu François Coty, mentri u scontru ACA-OM.
« U 25 d’aprili, l’AC Aiacciu hà spartutu a gioia di riceva l’associu « des coccinelles rouges pour Thomas » à u stadiu François Coty. Trà i ziteddi d’iss’associu c’era Kenzo, un zitidduchju toccu da u cancaru, chì u so sonniu era di scuntrà i ghjucadori di Marseglia, a squadra di a so cità è di u so cori. Kenzo è a so famidda sò stati invitati à u stadiu François Coty à l’iniziativa di u Rotary Club è di a prisidenti di Air Corsica, da ch’iddu si faccia rialità u so sonniu pà u scontru di sta sera trà l’ACA è l’OM.
U sonniu si hè prestu fattu sunniacciu chì Kenzo è i so parenti, vistuti à i culori di Marseglia, sò stati vargugnusamenti viulintati da parsoni chì sò intruti in a so loghja. Avirtita, a sicurità di a squadra hè intarvinuta. Kenzo è a so famidda sò stati presi in carica da i sirvizia di a squadra è accumpagnati in i spuddatoghji da ch’iddu posca rializà u so sonniu u ziteddu.
Issi parsoni ùn riprisentani mancu stampa i valori di a noscia squadra è di a noscia isula. Ancu pà i più tutari, ùn ci n’hè scusa à cumpurtamenti cumpagni.
A squadra cundanna di a manera a più ferma iss’atti chì nomu ùn n’ani.
L’AC Aiacciu hà da metta à u chjaru issi fatti vargugnosi. À tempu idintificati i parsoni da i nosci sirvizia, lagnanza sarà sposta contru ad iddi.
L’AC Aiacciu hè sulidariu di Kenzo è di i so parenti.
Sur le même sujet
