Communauté d'Agglomération de Bastia : un débat budgétaire marqué par les dépenses de personnel
(A Ridazzioni d'Alta Frequenza) - In principiu di sittimana, a cumunità d’agglumirazioni di Bastia hà fattu u so dibattitu d’uriintazioni bughjitarii pà u 2019, nanzi chì u bughjettu primitivu sichi suttimissu à u votu llu prossimu cunsigliu cumunitariu. L’affari, dighjà, hà un parfumu di campagna alitturali. D’una certa manera, a CAB teni i so spesi : i debbiti sò allibbiiti è a cumunità pò fà impresti da invistì s’iddu ci voli, ma ùn hè in capacità di finanzà, da par idda, l’invistimenti. Cacciati iss’affari, u prisidenti lla CAB, François Tatti, hè statu monda criticatu pà a so gistioni llu parsunali, postu ch’idd’hè unu di i soli sittori ch’iddu cuntrolla in tuttu, ben’ch’iddu sichi prisidenti minuritariu. I critichi, l’hà fatti Pierre Savelli, u merri di Bastia, chì parla di bughjura, è ancu d’insicerità : à senta lu, si hè spesu 1,36 milliona d’auri pà sei cuntrattuali, ben’ch’iddu ni conti undici François Tatti. A critica porta ancu à nantu à a crescita lli carichi llu parsunali, una cuddata di 19 % dipoi u 2014.Par François Tatti, issi CDD è cuntrattuali sò nicissarii, chì ci voli à rimpiazzà à quiddi chì sò malati, ma dinò parch’iddi mancani monda, i parsunala, in u sirviziu di l’accolta lli rumenzuli.
Sur le même sujet
