Communauté d'Agglomération de Bastia : le conseil communautaire tourne court
(A redazzioni d'Alta Frequenza) - Una vintina di minuti à u più, eccu quantu hè duratu u Cunsighju cumunitariu di a Cumunità d'Agglumerazioni di Bastia ssu vennari. In fatti, prima chì u prugramma pudissi essa sviluppatu, Pierre Noël Luggi, pà a cità di Bastia, è i merri di i quattru altri cumuni di a CAB, ani presu a parolla pà criticà cù forza l'attitudini di François Tatti è dumandà a so demissioni. Dopu à què, i trentatrè eletti di a maghjurità si ni sò andati, zifulati da i parsunali in greva, François Tatti rispundendu à a maghjurità davanti i parsunali soli, i piazzi didicati à l'eletti essendu occupati da i so dui soli cumpagni di strada, Julien Morganti è François Vesperini, ma dinò Jean Zuccarelli è Francis Riolacci. François Tatti hè propiu chjaru : ùn demissiunarà micca, ancu dopu à ss'evenimentu scarsu in u funziunamentu di un cunsighju cumunitariu, parlendu di teatru da a parti di a maghjurità.
Steti à senta à François Tatti.
Sur le même sujet
