Communauté d'Agglomération de Bastia : le conseil communautaire s'arrête après un clash entre François Tatti et la majorité
(A ridazzioni d'Alta Frequenza) - Deci mesa innanzi à l’alizzioni municipali, s’invispiscini l’affari in Bastia. Prova si n’hè, u cunsigliu cumunitariu lla cumunità d’agglumirazioni bastiaccia, chì si hè compiu à pena una mez’ora dopu ad avè principiatu, senza ch’idd’ùn sichi trattatu un puntu à l’ordini llu ghjornu.
Causa d’issu disturbu, a vulintà di u merri di Santa Maria di Lota, Guy Armanet, di trattà in principiu di riunioni una chistioni ch’ùn era privista, è chì purtaia à nantu à un currieri mandatu à u prisidenti lla CAB, François Tatti. Issu currieri dicia a so surpresa di veda missi in ligna marcati publichi di cartulari, chì i so arresti di suvvinzioni, ùn sò ancu stati fatti. Un veru pinseri, à senta à Guy Armanet, vici prisidenti in carica lli finanzi, chì rimarcaia chì issa chistioni ùn hè stata trattata à l’ultima riunioni llu scagnu di a CAB, ben’ch’iddu n’achi fattu a dumanda.
François Tatti, iddu, hà ricusatu, in prima, d’avvià issu puntu ch’ùn era privistu, po’ hà prupostu di parlà ni in fin’di cunsigliu.
Ma issa suluzioni ùn hè piaciuta à a maiurità cumunitaria. Pierre Savelli, u merri di Bastia, hà d’altrondi dumandatu ch’idda sichi suspesa a riunioni.
François Tatti, chì hà ricusatu di ceda à issa dumanda parichji minuti, hà finalmenti chjusu a riunioni, postu chì a maiurità facia veda a so vuluntà ferma d’uttena una suspesa.
Issa dicisioni, François Tatti dici ch’idda currispondi à una vulintà di rispittà u rigulamentu internu lla CAB.
U stemu à senta
Sur le même sujet
