Communauté d'Agglomération de Bastia : cohabitation possible selon François Tatti
(A redazzioni d'Alta Frequenza) - Iè, una cuabitazioni hè pussibuli. Eccu u missaghju di François Tatti, u presidenti di a Cumunità d'Agglumerazioni di Bastia, mandatu ssu ghjovi à sera ghjustu nanzi à un cunsighju cumunitariu chì prumetti d'essa riccu ssu vennari da mani postu chì a maghjurità cumunitaria hà da fà vutà un rollu più impurtanti pà u scagnu. S'è pà François Tatti, ùn si tratta micca di demissiunà, si dici prontu à renda i so dilegazioni à l'ottu vici presidenti di a CAB di a maghjurità, dopu ch'ellu l'avissi cacciati u 31 di dicembri, à cundizioni ch'elli rispittessini i so prerugativi. Una cuabitazioni micca troppu cumuna, postu chì u puteri esecutivu saria in manu à François Tatti, chì t'hà solu dui altri eletti à fiancu à ellu, mentri chì a maghjurità pudaria cambià quand'ella a voli i so raporti è i so prughjetti com'è à u mumentu di u votu in cunsighju cumunitariu.
Steti à senta à François Tatti.
Sur le même sujet
