Communauté d'Agglomération de Bastia : budget voté, consensus retrouvé
(A redazzioni d'Alta Frequenza) - D'aprili scorsu, erani pochi à scumetta nant'à l'unanimità, menu u votu contru di Jean Zuccarelli è u ricusu di Francis Riolacci di dà u so parè, racolta da u bughjettu primitivu di a Cumunità d'Agglumerazioni di Bastia. In fatti, u bughjettu prupostu da François Tatti hè statu validatu ancu da l'eletti "in rivolta" chì, torna calchì mesi fà, vuliani lampà fora cù forza u presidenti di a CAB. Un cambiamentu d'ambienti tutali inghjinnatu, d'appressu à l'uni è l'altri, da a vulintà di rilancià l'istituzioni chì ùn avanza più dipoi un annu è da i sforzi fatti da ogni parti pà guvernà insemi. Un bughjettu chì ritrova ambizioni à u nivellu di l'investimentu.
Steti à senta à François Tatti, u presidenti di a CAB.
