Commission des finances de l'Assemblée Nationale en Corse : bilan positif selon Eric Coquerel et Gilles Simeoni
Chì bilanciu fà d’issa visita di dui ghjorna in Bastia di a cumissioni di i finanzi di l’assemblea francesa ?
Saria pusitivu, à senta ni i parti impignati in issi scambii, tecnichi quant’è pulitichi.
Eric Coquerel, u prisidenti lla cumissioni, hà spiicatu chì l’eletti corsi ani prupostu cuntinutu in i discursati.
U diputatu LFI era aghjà piuttostu à favori d’un’autunumia fiscali, masimu cù a pussibilità d’unu statutu di risidenti, ed hè statu tranquillizatu da a visioni suciali di l’eletti isulani.
Iddu, com’è d’altrondi Jean-Luc Mélenchon, era beddu suspittosu calchì annu fà di pettu à i vulintà autunumisti. Ma cuncedi una certa evuluzioni à issu sughjettu, parvia di u so cuntattu cù l’eleltti naziunalisti è di u sguardu postu à nantu à l’evuluzioni lla sucità corsa.
Steti à senta à Eric Coquerel.
Gilles Simeoni, par contu soiu, si hè filicitatu di l’ascoltu di i diputati prisenti. Era l’uccasioni, spieca u prisidenti di l’esecutivu, di fà veda di manera cuncreta comu a Corsica pudaria tirà binifiziu d’un’autunumia fiscali, di pettu à certi eletti chì, com’è Charles de Courson, ani purtatu ancu iddi calchì idea.
Sapendu chì luni, hè privistu unu scontru novu cù u ministru di l’internu, gérald darmanin.
Steti à senta à Gilles Simeoni.
Sur le même sujet
