Commission d'enquête Yvan Colonna : plus que des doutes pour Jean Félix Acquaviva
Marcuri, Jean-Félix Acquaviva è Laurent Marcangeli, prisidenti è rapurtadori di a cumissioni d’inchiesta parlamintaria incaricata di fà surghja u veru di l’assassiniu d’Yvan Colonna, ani fattu una cunfarenza di stampa.
I dui diputata ani resu publichi infurmazioni à nantu à fatti chì sariani successi a vighjilia di l’assaltu murtali, è chì ùn sò mintuvati in i ducumenta trasmissi da l’amministrazioni pinitinziaria.
« Unu di i ducumenta hè statu trasmissu da u rinsignamentu pinitinziariu. Mintuvighja l’infurmazioni dati da un agenti pinitinziaru, chì parla d’una discursata, u primu di marzu, vali à dì a vighjilia di l’assassiniu, trà trè prighjuneri, trà i quali franck elong abè. Mentri issa discursata, hè affaccata a frasa « l’aghju da tumbà.
L’agenti mintuvighja ancu un cambiamentu in u cumpurtamentu di franck elong abé, chì hà viutatu a so ceddula a vighjilia di l’assassiniu », spieca Jean-Félix Acquaviva.
I quistioni si ponini incù forza, masimu chì issi infurmazioni sò stati sguassati da a scheda carcirali di franck elong abé.
Si matriculighja, sempri di più, à a pussibilità d’un attu cumanditatu.
Steti à senta à Jean-Félix Acquaviva.
« Sò statu à veru surpresu, a sittimana scursa, di veda un resu contu di u rinsignamentu pinitinziariu ind’idd’era mintuvata una discursata trà prighjuneri », spieca Laurent Marcangeli.
« À veda ni u pesu d’issi infurmazioni, ci tinimu a pussibilità d’un’azzioni ghjudiziaria », ani dittu i diputata.
