Comité stratégique : la stratégie et la méthode ont été définies
(A redazzioni d'Alta Frequenza) - U Cumitatu Strategicu, chì adunisci a raprisintazioni pulitica di l’isula à u nivellu u più altu, hà urganizatu a so 5ima riunioni in fin di sittimana scorsa. Ssu cumitatu, chì travaghja dipoi mesi longhi annant’à quistioni difficiuli com’è a difinizioni nova di i tarritorii è a guvernenza nova, viaghja à pocu à pocu in una machja di difficultà à parechji. I participanti, chì ùn si scordani mancu appena di u fiascu di u referendum pà a fusioni trà u Rughjoni è i Dipartimenti sani chì l’affari hè cumplicatu. Eppuru, pari ch’ellu ci sighi un accunsentu par andà versu una cullittività unica, ancu s’è quistioni di primura com’è i maneri di vutà, a raprisintazioni di i tarritorii o ancu a spartizioni di i posti devini essa arrigulati. D’appressu à Pierre Chaubon, presidenti di u Cumitatu Strategicu, a strategia è u metudu sò stati difiniti ; u restu suvitarà da par ellu.
Steti à senta à Pierre Chaubon.
Sur le même sujet
