Comité d'évaluation des politiques publiques : l'Assemblée de Corse veut renforcer la transparence des décisions
A sittimana passata, in prisenza di Gilles Simeoni, u prisidenti di l’esecutivu, ma dinò d’eletti, d’assuciativi è di ghjenti lla sucità civili, Jean-Guy Talamoni, u prisidenti di l’assemblea, mittia in anda a virsioni rinova di u cumitatu di valutazioni lli pulitichi publichi.
À issu cumitatu, pudarani oramai participà ottu citadini corsi tirati à l’imbusca : par quissa, duvarani dichjarà a so candidatura sinu à l’ottu di nuvembri, mandendu un CV è una lettara di mutivazioni à nantu à u situ di l’assemblea o cù un currieri ricumandatu.
U primu cartulari d’issu cumitatu sarà impurtanti : li tuccarà à valutà com’idd’hè statu aprudatu u PEI. Ci vurrà dunqua ch’iddu travaddi cù chjarura, u cumitatu, chì a so missioni hè di lintà un ochji à i cartulari lla cumanda publica.
Stemu à senta à Jean-Guy Talamoni, u prisidenti di l’assemblea.
Trà l’associ prisenti, c’era u cullittivu Massimu Susini, chì pensa chì issu cumitatu hè un passu ver’di a chjarura. Ed hè bedda nicissaria, a chjarura, à veda i solda spesi è i sittori d’attività ch’iddi toccani.
Stemu à senta à Jérôme Mondoloni pà u cullittivu Massimu Susini.
Sur le même sujet
