Collectivité unique : oui, mais pas à marche forcée, pour Laurent Marcangeli
(A redazzioni d'Alta Frequenza) - D'accordu pà a riforma, ma micca cù un ritimu furzatu ! Eccu u parè francu è chjaru di Laurent Marcangeli missu in avanti duranti l'attelli di l'Associu di i merri di Corsica Suttana. Ramintemi chì a simana scorsa, l'associu avia invitatu tutti quilli chì sò cuncirnati da a riforma di i cullittività di Corsica, cumuni è cumunità di cumuni, dipartimenti è cullittività tarrituriali. U diputatu è merri d'Aiacciu stima chì a nascita d'una cullittività unica in Corsica ùn saria micca un affari gattivu, ma una riforma cù un ritimu furzatu, d'appressu à ellu, hè u sbagliu ch'ellu ùn ci voli micca à fà. Hè pussibuli di rimandà l'affari, sicondu Laurent Marcangeli, soprattuttu chì u calendariu puliticu di l'annata 2017 duvaria avè cunsiquenzi maiò nant'à u timing di ssa riforma.
U stemi à senta.
