Collectivité unique : les syndicats restent vigilants
(A redazzioni d'Alta Frequenza) - À passi sicuri, a Cullittività di Corsica hà principiatu un prucedimentu nicissariu ma fastidiosu quantunqua, quillu tennicu, cuncirnendu i prucedimenti dicisiunali chì sarani missi in ballu quand'ella sarà ghjunta l'ora, ma dinò i parsunali, u so statutu è u so funziunamentu. Duranti una riunioni di travaghju in u cunsighju dipartimintali di Corsica Suprana ssu ghjovi, fora di un picculu prublema cuncirnendu un ducumentu trasmessu in iritardu à i sindicati, i scambii sò stati piuttostu custruttivi. Pà ciò chì tocca i sindicati, s'è a vulintà d'essa in u dialogu da a parti di quilli chì sò in carica di a missa in ballu di ssa transizioni tennica ver di a Cullittività di Corsica hè stata salutata, omu faci casu quantunqua. Parchì par avà, s'è principii sò stati integrati soca, ùn c'hè nulla di dicisu di manera furmali, è quissi quì volini assicuranzi, par asempiu cuncirnendu l'assenza di mubilità furzati.
Steti à senta à Antoine Filippi pà a CFDT Interco di u Cunsighju Dipartimintali di Corsica Suprana.
