Collectivité unique et vote négatif du Sénat : le sentiment de Pierre Chaubon
(A redazzioni d'Alta Frequenza) - I riazzioni ùn sò micca stati cusì numaori in Corsica dopu u votu negativu di u Senatu nant'à i famosi urdinanzi di a cullittività unica. Ssu ricusu, purtatu da i gruppi Les Republicains, Partitu Cumunistu, i senatori Front National è appughjatu da a mancanza di participazioni di guasgi tuttu u gruppu di u centru hè statu un colpu propiu gattivu contr'à l'andatura di a futura cullittività unica, è dinunziatu cù putenza da u ministru di l'accunciamentu di u tarritoriu, Jean Michel Baylet, incalchendu nant'à i cambiamenti di parè di i centristi par asempiu, è discrivendu un numaru di "falsità pulitica" di Jean Jacques Panunzi è di Camille de Rocca Serra, prisenti à mezu à u publicu. In Corsica, ind'è i naziunalisti, s'hè criticatu di sicuru cù assai forza ssa pusizioni di u Senatu, dicendu torna chì certi bramani di sciappà u prucedimentu in corsu. Pierre Chaubon hè statu unu di l'artisgiani sottu à l'anziana mandatura à l'Assemblea di Corsica di tuttu ssu prucedimentu. Risenti com'è parechji altri una dillusioni maiò ?
U stemi à senta.
Sur le même sujet
