Collectivité unique et arrêté Miot votés par les députés: satisfaction de Gilles Simeoni
(A redazzioni d'Alta Frequenza) - Hè appena dopu à mezanotti ssu marcuri chì l'Assemblea naziunali hà ratificatu u prughjettu di legi nant'à i trè urdinanzi di a futura cullittività di Corsica. In un emiciculu guasgi biotu, solu una quindecina di diputati, u votu s'hè fattu menu quilli di i diputati les Républicains. Ghjustu dopu, u testu nant'à a risuluzioni di u disordini di pruprietà hè statu dinò aduttatu guasgi à l'unanimità, menu u votu di u diputatu De Courson. Bella suddisfazioni dinò pà u ministru Jean Michel Baylet, pà quali ancu s'è a Republica hè una è indivisibuli, si devi ricunnoscia quantunqua à u XXIesimu seculu a so diversità. Suddisfazioni dinò pà a dilegazioni corsa, numarosa in u Palazzu Bourbon par accoglia una dicisioni chì ùn hè micca veramenti una surpresa, ma chì t'hà quantunqua un certu carrattaru storicu. È ùn sò micca i minacci mancu più piatti da a parti di certi gruppi pulitichi di sfà à pocu à pocu ciò chì hè statu aduttatu mentri a nuttata chì inchietani u più i raprisintanti di a Cullittività tarrituriali di Corsica.
Steti à senta à Gilles Simeoni, u presidenti di l'Esecutivu.
