Collectivité unique : des questions à poser
(A redazzioni d'Alta Frequenza) - Semi inchieti ! Eccu ciò ch'ellu dici l'associu di i merri di Corsica Suttana à u principiu di un'annata chì sarà ditarminanti in tarmini di riurganisazioni di u tarritoriu. 2018 s'avvicina, com'è a Cullittività unica pà certi, unita pà d'altri o tuttu simpliciamenti a Cullittività di Corsica. L'associu urganizeghja, ssu vennari in u Palazzu di i Cungressi d'Aiacciu, u cungressu di i merri è di i presidenti d'EPCI di u dipartimentu è hà invitatu pà l'uccasioni tutti quilli chì t'ani affari impurtanti à dì nant'à u sughjettu : u prifettu di Corsica, u presidenti di l'Esecutivu di Corsica, di l'Assemblea è di u cunsighju dipartimintali. U tema di ssa ghjurnata di riflessioni hè chjaru : chì sarà a piazza di i cumuni è di l'intercumunalità nentru à a Cullittività di Corsica.
Steti à senta à Jocelyne Fazi, a presidenti di l'Associu di i merrri di Corsica Suttana.
