Collectivité unique de Corse : 2017, année cruciale
(A redazzioni d'Alta Frequenza) - Tuttu ùn hè ancu compiu, parchì ciò ch'ella a faci a legi, a legi u pò sfà ! Eccu u parè di Ghjuvan Guidu Talamoni dopu a visita di Jean Michel Baylet in principiu di simana. À u cuntrariu di ciò ch'elli dicini à voci bassa certi eletti di diritta, l'Assemblea di Corsica ferma propiu attaccata à a seguita di u prucedimentu dittu Baylet, vali à dì l'appiecazioni à u 1a di ghjinnaghju di u 2018 di i famosi urdinanzi liati à a cullittività unica. U presidenti di l'Assemblea di Corsica si filiciteghja di u parcorsu rializatu cù Jean Michel Baylet duranti più di deci mesi. Parechji punti pusitivi sò dighjà quì d'appressu à ellu, com'è l'Arrestatu Miot, a legi Muntagna, u trasferimentu d'una parti di a TVA, ma altri punti fermani senza avanzata. Si pò cità frà altru l'ufficialità di a lingua corsa, u statutu di residenti, i prighjuneri pulitichi, o ancu u cuefficenti in materia di saluta. Seguita d'un prucedimentu o fini brutali un antru annu ?
Steti à senta à Ghjuvan Guidu Talamoni.
Sur le même sujet
