Colère des sapeurs-pompiers d'Ajaccio et sa région
(A redazzioni d'Alta Frequenza) - A securità di a pupulazioni è di spignifochi in periculu ! Eccu u titulu putenti di u fugliettu distribuitu luni à a pupulazioni aiaccina da i spignifochi di u SDIS di Corsica Suttana. In fatti, malgradu una crescita di u numaru d'intarvinzioni, par asempiu ind'u settori d'Aiacciu è di u so rughjoni, ss'ultimi sò cunfruntati à una riduzzioni seria di i so effettivi. Duranti l'ultimu cunsighju d'amministrazioni, trè posti solu sò stati aparti pà impiegà dopu à partenzi à a ritirata, mentri chì una vintina di ghjovani corsi titularii di u so cuncorsu prufiziunali aspettani par essa impiegati. Difficultà uparaziunali sariani scuntrati dinò, è cresci l'inchietudini di pettu à una riduzzioni impurtanti di a survighjenza focu di furesta privista pà a staghjoni 2014. Ecunumia chì toccani a qualità di u serviziu publicu chì si vedi indebbulitu è minacciatu, com'ellu a ci dici Alain Garito, dilegatu dipartimintali STC, ricivutu in prifittura di Corsica cù altri culleghi.
Stemulu à senta.
