Code du travail et ordonnances Macron : FO appelle la population à une prise de conscience
(A redazzioni d'Alta Frequenza) - Mentri chì a stallazioni di u Cunsighju di i Prudomi di Corsica Suttana si farà ssu marcuri è dopu a publicazioni di l'ultimi urdinanzi nant'à u codeci di u travaghju, l'unioni dipartimintali Force Ouvrière urganizava ssu marti una cunfarenza di stampa. U sindicatu vulia dinunzià i "cunsiquenzi cuncreti è pessimi numarosi" di l'urdinanzi ditti Macron. À u centru di l'inchietudini frà altru, a duminazioni di l'accordu d'intrapresa di pettu à u codeci di u travaghju è i cunvinzioni cullittivi, cù u risicu d'una calata di i paghi, o ancu a difinizioni di reguli novi inghjiru à i CDD chì ùn andariani micca in u sensu di i travaghjadori precarii. Sindicati chì pudariani essa buccugnulati, impiegati privi à l'avvena di qualsiasi mezu di difesa, FO chjama a pupulazioni à una vera presa di cuscenza.
Steti à senta à Marcel Santini, secretariu generali di l'UD di Corsica Suttana.
