CMA-CGM pourrait vendre La Méridionale
À senta ni u ghjurnali spicializatu « Le Marin », a CMA-CGM avaria dicisu di venda a cumpagnia « La Méridionale ».
« Tuttu sarà fattu rispittendu i reguli è prucidimenti ligali è i ingagiamenti cuntrattuali chì currini ma, in u quadru di a spirtizia chì hè stata fatta, hè quissa a via scelta ch’hè pocu à u più altu liveddu llu gruppu », avaria dittu à issu ghjurnali una parsona à capu di u cartulari.
À ciò ch’iddu si senti, a chjama à a greva di u STC, privista à parta si da u 27 di ghjunghju dopu ch’iddu sichi statu cumunicatu u nomu di i dui navi novi, hà avutu l’effettu d’un « troppu chì stroppia » ind’è i rispunsevuli di u numaru trè mundiali di u trasportu marittimu.
Un altru puntu à piddà in contu, à senta ni « Le Marin » sempri, saria u fiascu di u traghjettu trà Tulò è Lisula, è a impussibilità d’avvià subitu un Tulò – Bastia.
S’aspettani altri infurmazioni.
