Climat social toujours tendu à l'Office de l'Environnement de la Corse
(A redazzioni d'Alta Frequenza) - U troppu stroppia ! U STC hà vulsutu di què cù forza ssu marti da mani à l'amministratori di l'Uffiziu di l'Ambienti di a Corsica, in Corti. U sindicatu hà investitu in fatti, cù una dilegazioni di u parsunali, u cunsighju d'amministrazioni di l'Uffiziu pà alertà i so membri, pà ciò chì tocca una situazioni propiu difficiuli, chì dura dipoi guasgi dui anni. Dinunziani tutti un'assenza vera di dialogu suciali annant'à i paghi par asempiu è reguli chì ùn sò micca rispittati cuncirnendu i prumuzioni di carrieri. Un affari cù cunsiquenzi chì si poni risenta dinò à u nivellu umanu, dici u STC, chì dumanda à i dirighjenti di l'Uffiziu di l'Ambienti di cambià a so pulitica u più prestu pussibuli, di discorra cù l'impiegati, pà sbuccà infini annant'à rilazioni appaciati.
Steti à senta à Ghjuvanni Brignole, u secretariu generali di u STC.
Sur le même sujet
