Climat social : désunion le 1er mai, union le 2 !
(A redazzioni d'Alta Frequenza) - Disunioni u 1a, unioni u 2 ! Hè cusì ch'è no pudariami riassuma a situazioni à u nivellu suciali à a vigilia di u prima di maghju. A Festa di u travaghju, dipoi un pezzu oramai, si faci cù gruppi alluntanati di manera geugraffica, parchì sicondu i circustanzi, omu pudaria essa mal vistu s'ellu si mostra cù tali o tali furmazioni sindicali. Sarà torna una volta u casu quist'annu in Corsica, duva sarani prisenti pà l'aduniti, ùn si parla mancu più di manifestazioni, cà a CGT, Force Ouvrière è a FSU. S'è u STC ùn urganizàrà mancu a so tradiziunali festa di u travaghju, a CFDT, ella, rispittarà a tradizioni: urganizarà dumani (marcuri) u so ripastu com'è ogni annu. Eppuru, issa disunioni hè appena artificiali è pari solu à u nivellu di i strutturi. In fatti, u 2 di maghju tutti i banderi sindicali si ritruvarani insemi pà lancià una ghjurnata di cuntestazioni à a Posta. I salariati sò di più prammatichi cà i sindicati chì i raprisentani?
Réponse avec Gérard Mortreuil, pour l'union régionale CFDT Corsica.
Sur le même sujet
