Climat : Selon l'observatoire Copernicus 2023 sera probablement l'année la plus chaude de l'histoire
L’hà ditta l’ussirvatoriu aurupeanu Copernicus : 2023 duvaria essa l’annata a più calda lla storia.
A statina llu 2023, dighjà cunsidarata a più calda mai vista pà issu mondu, hà insignatu una strada. I mesa di ghjunghju, luddu è austu, à liveddu mundiali, ani avutu i timpiraturi medii i più alti mai misurati, à senta ni l’ussirvatoriu : in Auropa, in America di u Nordu è ancu in Asia, sò stati caldamona è siccaghjini, ma ancu fucona maiori è viulenti.
U prezzu pagatu in viti umani, è ancu in danni ecunomichi è ambiintali hè dighjà beddu grevu.
Pà issi trè mesa, a timpiratura mundiali hè di 16,77°, vali à dì chì hè da supra di 0,66° à i medii misurati issi trenta anni.
In un cumunicatu di stampa, Antonio Guterres, u sicritariu ginirali di l’ONU, dici ch’iddu hè cuminciatu dighjà u sfraiu climaticu. Ma ùn hè solu a timpiratura misurata in aria à fà matriculà : quidda di l’uceani impinsirisci ancu idda à veru, chì u caldu sprupusitatu danna ancu a biodiversità marina.
Sur le même sujet
