Cité administrative d'Asprettu : montée au créneau d'élus d'opposition ajacciens
(A redazzioni d'Alta Frequenza) - I cunsighjeri municipali d'uppusizioni aiaccini Paul Antoine Luciani, Etienne Bastelica è Jean Marc Ciabrini ani urganizatu una cunfarenza di stampa ssu marti pà amintà u cartulari di a Cità amministrativa d'Asprettu. Ramintemi chì ind'i pussibilità avanzati da u Statu c'hè l'adunita di una parti di l'amministrazioni statali in un situ solu, pà i lochi di a basa aerunavali d'Asprettu. Ramintemi dinò chì a visioni di i cosi ch'ella t'hà a Cità nant'à ssu cartulari ùn hè micca pà daveru a listessa di pettu à quilla di u prifettu è di i sindicati com'è a CGT. I trè eletti d'uppusizioni vuliani vultà nant'à u votu unanimu di una muzioni in cunsighju municipali à a fin di u mesi di maghju; à ssu votu, ss'eletti d'uppusizioni dicini ch'elli ci ani participatu pà una quistioni di principiu è in cunfidenza tutali. Ma, ss'eletti ùn sò mancu appena cuntenti oghji, dopu essa stati missi à capu da parechji urganisazioni sindicali di una mancanza d'infurmazioni, di ducumenti scritti impurtanti par asempiu, scambiati trà u diputatu è merri è u prifettu, chì ùn sò micca stati trasmessi à i cunsighjeri municipali d'Aiacciu. Ss'eletti d'uppusizioni, chì sò à prò di u prughjettu purtatu da u Statu, ùn ani micca avutu in manu ssi ducumenti dunqua, ciò chì hà resu falsu d'appressu à elli u votu di ssa muzioni.
Steti à senta à Etienne Bastelica, elettu d'uppusizioni aiaccinu.
Sur le même sujet
