Chutes de neige cette nuit en Corse
(A redazzioni d'Alta Frequenza) - Tutti i cimi di Corsica sò stati imbiacati da a nevi stanotti (sabbatu à dumenica). Era aspittatu : i timperaturi sò calati assai nant'à l'isula sana, inghjinnendu nivati pà i bocchi maiò. Stamani, parechji paesi di l'internu, com'è Quenza in Alta Rocca, o Bucugnà in a Gravona, si sò svighjati sottu à un mantellu biancu. A foci di Vizzavona hè quantunqua aparta à a circulazioni dopu chì i servizi cumpetenti sighini intarvinuti pà snivà. A prudenza a più maiò hè di sicuru racumandata s'è vo seti ubligati à pighjà a vostra vittura.
Sur le même sujet
