Chemins de Fer de la Corse : l'extension du réseau a débuté
(A redazzioni d'Alta Frequenza) - Cunsighju d'amministrazioni urdinariu, ma podassi micca tutt'à fattu, ssu marti pà i CFC, i Camini di Farru di a Corsica. Micca tutt'à fattu urdinariu parchì misuri impurtantissimi sò stati annunziati cuncirnendu u sviluppu à curtissimu andà di a reta farrata isulana è altri mezi à mezu andà. A riapartura da u caminu di farru in piaghja urientali, in un prima tempu fin'è I Fulelli, hè fatta; in tutti i casi hè scritta! Eccu ciò ch'ellu hà annunziatu ssu marti Hyacinthe Vanni, u presidenti di i CFC. Pà stondi torna di più vicini, a stallazioni di a CCVU, vali à dì a gistioni infurmatizata di i circulazioni, sarà stallata nant'à a purzioni Aiacciu-Mezana, ciò chì hà da parmetta di fà crescia di manera cunsequenti u numaru di treni nant'à ssu settori periurbanu.
Steti à senta à Hyacinthe Vanni.
