Charles Pieri toujours en garde à vue, un couple mis en examen
(A ridazzioni d'Alta Frequenza) - I dui parsoni intarpillati à tempu à Carulu Pieri sò stati missi in asaminu marcuri, par « abusu di cunfidenza ». A ghjustizia li rimpruvarighja d’avè fattu binifizià à Carulu Pieri di sirvizii indebbiti. Ani da passà in tribunali di nuvembri, attempu à Carulu Pieri, incausatu iddu par « piattera d’abusu di cunfidenza ».
In supr’à più, u militenti, membru di l’esecutivu di Corsica Libara, hè sempri in guardia à vista pà un affari liatu, chì sariani stati trovi armi in casa soia, mentri i perquisizioni pà u primu affari.
Dici Corsica Libara in un cumunicatu ch’idda voli averta « l’upinioni publica di a riprissioni accanita ch’iddu si pati una volta di più Carulu Pieri ».
« Issi campagni diretti contru ad iddu, chì suvetani un scinariu mediaticu-ghjudiziariu beddu cunnisciutu, ùn facini chè rinfurzà a noscia ditarminazioni à sustena più chè mai tutti i corsi chì, parvia di u so ingagiamentu puliticu è patriotticu, sò sposti à issi parsicuzioni d’un altru tempu ».
Par Corsica Libara, « sò dighjà un fiascu iss’usi, chì venini da parsunali pulitichi currutti bè, ch’ùn ingannani più à nimu in u nosciu paesu ».