Championnats du monde de judo : Priscilla Gneto remporte ses deux premiers combats ce matin
(A redazzioni d'Alta Frequenza) - A ghjovana corsa Priscilla Gneto hà principiatu stamani (marti) i campiunati di u mondu di judo, chì sò urganizati in Chelyabinsk, in Russia. Suventi ferita ssi dui ultimi anni, Priscilla Gneto hè di ritornu in forma pà ssa cumpetizioni induva ella hè assai ambiziosa. Ramintemi chì a ghjuvanotta hè urighjinaria di Purtivechju. Furmata prima in Purtivechju, eppo in u Pôle Espoir d'Aiacciu, induv'ella hè crisciuta pà daveru, Priscilla Gneto hà guadantu a midaglia di bronzu duranti l'ultimi Ghjochi Olimpichi di Londra. Ss'ultima t'hà com'è scopu di finiscia à u primu postu in Russia. Par avà, tuttu si passa bè pà Priscilla chì hà vintu i so dui primi partiti contr'à a Duminicana Maria Garia annant'à yuko è Oritia Gonzalez annant'à ippon. Hà da ghjucà ind'a matinata contr'à Giappunesi Yuki Hashimoto.
Sur le même sujet
