Chambre des Territoires : la liste Paese Vivu arrive en tête de l'élection du quota de maires
(A redazzioni d'Alta Frequenza) - C'era ssu marti u spogliu di l'alizzioni interna à i merri di Corsica pà i so ottu raprisintanti ind'a camara di i Tarritorii; i cumuni di più di 10 000 abitanti vedini pà contu soiu u so merri fattu membru di dirittu di l'assemblea futura. Ed hè a lista Paese Vivu purtata da Jérôme Negroni chì hè ghjunta in testa di st'alizzioni à a prupurziunali cù 32,37%, vali à dì 101 voti è dunqua 3 sedii, Paul Jo Caitucoli è Marie Thérèse Olivesi essendu i dui altri eletti di a lista. À u sicondu postu, a lista di l'associu di i merri di Corsica Suprana, purtata da Don Marc Albertini, hà uttenutu 85 voti à 27,24%, parmittendu à ssa lista d'avè dui sedii, l'altra essendu pà Jean Toussaint Morganti. À u terzu postu, ed hè una surpresa, hè a lista Core in Fronte purtata da Jean Baptiste Arena chì grazia à i 64 voti racolti è 20,51%, utteni anch'ella dui sedii, parmittendu à Jean Luc Millo di raghjunghja u capimachja di a lista. Infini, a lista di i merri di Corsica Suttana hè ultima cù 62 voti è 19,87%, cù una sola sedia, quilla pà a capimachja di a lista, Jocelyne Mattei Fazi.
Sur le même sujet
