CFDT de l'Annexe Eugenie d'Ajaccio : Prudente satisfaction !
(A redazzioni d'Alta Frequenza) - A CFDT di l'uspidali Eugénie d'Aiacciu hà dicisu di cuntinuà u so muvimentu di greva, aspittendu di scuntrà torna una volta a direzzioni issu vennari. Un primu scontru oghji (marti), hà suddisfatu u sindicatu di una certa manera, ma certi punti devini sempri essa schjariti, ciò chì spieca a dicisioni di cuntinuà u muvimentu. I raprisintanti di u parsunali di l'annessa, si sò ditti rassicurati da u fattu chì u stabilimentu firmarà nant'à u so situ attuali, ancu quandu chì u novu uspidali di a Miséricorde nasciarà. À mezu andà, un rinnovu sanu di a struttura Eugénie sarà privistu, com'è a criazioni di una cucina sopralocu. Aspittendu à què, un sforzu duvarà essa fattu nant'à a quantità di i ripasti ; eccu l'assicuranzi ricivuti oghji da a CFDT da u cantu di a so direzzioni. Assicuranzi chì portani dinò nant'à a missa in ballu di travaghji d'urghjenza, da caccià i dubbiti di a cummissioni di securità. Cummissioni chì hà fattu cunnoscia ancu oghji un avisu micca favurevuli pà a riapartura di u stabilimentu, di pettu à u risicu di focu, ancu puru s'è certi assicuranzi sò stati arricati da a direzzioni. Punti di fiascu fermani quantunqua. Toccani à l'effettivi frà altru. U sindicatu rigretta a voghja di a direzzioni di vulè mandà certi parsunali d'animazioni è d'attelli in terapia versu d'altri settori tucchendu à l'uspidali. Vennari dunqua, si trattarà di l'avvena di un'IDE è di un ASH. Aspittendu à què, A CFDT ferma pronta è voli bè difenda u so arnesi di travaghju è i so pazienti.
Écoutez Dominique Aecker à l'issue de cette journée
Sur le même sujet
