Le Direct

Centre pénitentiaire de Borgo : la réinsertion par les espaces verts et l'environnement

Marcuri, Guy Armanet, u prisidenti di l’Uffiziu di l’Ambienti, hà prisintatu un prugrama spirimintali di valurisazioni di i biorumenzuli.

In a cantina sculara di Furiani, in a prighjoni di u Borgu, sò stati stallati assuvatoghji elettromicanichi, di varii capacità.

L’aienti lli circonda, pà u più timiani a puzza cù issi dispusitivi : duvaria essa di pocu à veru, quant’è ch’idd’ùn ci ni fussi.

In a prighjoni di Borgu, issu dispusitivu pirmittaria di passà da 120 à 6 tonni di scarti suttarrati à l’annu.

U sforzu di a trascelta, u sustenini bè i prighjuneri, chì sani ciò ch’iddu hè u pesu ambiintali di i rumenzuli. Ma à ghjuvà si di l’assuvatoghju, ùn sò i soli, postu ch’iddu viaghja dinò pà i parsunala è u campu militaru à torru.

Cinqui prighjuneri, in u quadru llu so CAP di spazii verdi è orti, sò incaricati di carrià i biorumenzuli da a prighjoni à l’assuvatoghju.

Steti à senta à Julie Latou, a dirittrici lla prighjoni di Borgu, chì parla d’issu prugrama, trà prutizzioni di l’ambienti è riinsirsioni.

Dipoi uni pochi di sittimani, dunqua, cinqui prighjuneri di menu di trent’anni, in fin’di pena, passani un CAP di spazii verdi è orti. Gramazia à issa furmazioni, poni escia parichji volti à sittimana à nantu à i setti ettari llu duminiu lla prighjoni, è avvià a so riinsirsioni.

Samir, chì t’hà 24 anni, hè unu d’issi cinqui prighjuneri. Duvaria escia da a prighjoni da quì à un mesi, è vidi cù issa furmazioni una pussibilità di truvà subitu travaddu.

Steti lu à senta.