Centre de jour Arc-en-Ciel à Ajaccio: la CFDT tire la sonnette d'alarme
(A redazzioni d'Alta Frequenza) - A CFDT Saluta di l'uspidali di Castellucciu hà tinutu arimani (luni) una cunfarenza di stampa ind'u quartieru Candia in Aiacciu, davanti u centru di ghjornu "Arc-en-Ciel" pà fà sapè a so scuntentezza. In fatti, ssi lucali, chì asistini dipoi una vintina d'anni è chì accoglini una quindecina di zitelli trà trè è ondeci anni tocchi da un handicap psichicu forti, sò oghji ind'un statu chì impeghjurisci di più in più sicondu u sindicatu. Una pulemica chì ùn hè micca nova, ma chì hè vultata inde l'attualità dopu à u focu, calchì settimana fà di un lucali di u succorsu pupulari, liatu à a struttura di l'uspidali, è chì hà fattu schjattà l'affari. L'investigazioni rializati nant'à u centru "Arc-en-Ciel" ani dimustratu, d'appressu à a CFDT, l'impurtanza di u periculu di i lucali à u nivellu di a pulizia è di a securità. Una situazioni di più in più difficiuli pà i parsunali è i famighji, chì lampani più cà mai una chjama à u direttori di l'Agenza Righjunali di a Saluta.
Steti à senta à Michèle Mattei, pà a CFDT Saluta.
Sur le même sujet
