Centrale du Vazzio : le gaz pour quand ?
(A redazzioni d'Alta Frequenza) - Scuntintezza, micca troppu forti par avà, di l'associu A Sintinella pà ciò chì tocca a nova cintrali di u Vaziu. L'associu stima, è l'hà ditta stamani (marcuri) duranti una cunfarenza di stampa, chì in ssu cartulari u Statu è EDF ghjocani di una manera indefinita i prulungazioni. In fatti, dici l'associu, s'è a custruzzioni di a nova cintrali hè bè ufficializata, ùn c'hè nulla chì dici bè ch'ella viaghjarà cù u gaz dopu un tempu transitoriu à u fuel lighjeru. Un'infrasata in u ghjurnali ufficiali di u 20 di dicembri di u 2015 faci nascia u timori di A Sintinella. Priciseghja chì i cintrali di Lucciana è u di Vaziu viaghjarani bè cù u gaz "à partasi di u mumentu chì a dicisioni di a ghjunta di u GNL in Corsica sarà stata presa è quandu u GNL sarà dispunibuli pà a pruduzzioni d'elettricità". L'associu stima dunqua ch'ellu ùn hè ancu u casu, ciò chì spiega l'intarrugazioni di Dominique Lanfranchi, u presidenti di A Sintinella.
Steti à senta à Dominique Lanfranchi.
Sur le même sujet
